ਕਰੋਨਾ ਵਾਇਰਸ ਨੇ ਲੱਕ ਤੋੜਿਆ ਫਿਲਮ ਇੰਡਸਟਰੀ ਦਾ ਮਸਤਾਨ ਸਿੰਘ ਪਾਬਲਾ

ਇਕ ਪਾਸੇ ਜਿੱਥੇ ਕੋਰੋਨਾ ਵਾਇਰਸ ਕਾਰਨ ਦੁਨੀਆ ਠਹਿਰ ਗਈ ਹੈ, ਉਥੇ ਦੂਜੇ ਪਾਸੇ ਸੁੰਨੇ ਫਿਲਮ ਸੈੱਟਾਂ, ਬੰਦ ਸਿਨੇਮਾ ਘਰਾਂ ਅਤੇ ਘਰ ਬੈਠੇ ਫਿਲਮੀ ਸਿਤਾਰਿਆਂ ਨਾਲ ਬਾਲੀਵੁੱਡ ਵੀ ਆਪਣੇ ਖਾਲੀਪਨ ਨਾਲ ਜੂਝ ਰਿਹਾ ਹੈ।
ਰਿਲੀਜ ਹੋਈਆਂ ਬਾਗ਼ੀ 3, ਥੱਪੜ, ਅੰਗਰੇਜ਼ੀ ਮੀਡੀਅਮ ਫਿਲਮਾਂ ਕਰੋਨਾਂ ਵਾਇਰਸ ਦੀ ਭੇਟ ਚੜ੍ਹ ਗਈਆਂ। ਖਾਸਕਰ ਬਾਗ਼ੀ 3 ਜੋ ਚੰਗਾ ਰਸ਼ ਖਿੱਚ ਰਹੀ ਸੀ ਅਤੇ ਉਸਦੇ ਸੁਪਰ ਡੁਪਰ ਹਿੱਟ ਹੋਣ ਦੀ ਪੂਰੀ ਆਸ ਸੀ ਲਾਗਤ ਵੀ ਪੂਰੀ ਨਾਂ ਕਰ ਸਕੀ। ਵੈਸੇ ਸਾਡੇ ਪੰਜਾਬੀ ਆਲਿਆਂ ਦੀ “ਚੱਲ ਮੇਰਾ ਪੁੱਤ “ਨੂੰ ਵੀ ਕਰੋਨਾਂ ਚੁੰਬੜ ਗਿਆ ਨਹੀ ਤਾਂ ਬਾਕਸ ਆਫ਼ਿਸ ਇੰਡੀਆ ਮੁਤਾਬਕ ਇਹ ਅੱਜ ਤੱਕ ਦੀ ਸੱਭ ਤੋ ਵੱਧ ਕਾਰੋਬਾਰ ਕਰਨ ਵਾਲੀ ਫਿਲਮ ਹੋਣੀ ਸੀ।
ਰਿਲੀਜ ਹੋਈਆਂ ਫਿਲਮਾਂ ਨਾਲ ਤਾਂ ਜੋ ਹੋਈ ਸੋ ਹੋਈ ਆਉਣ ਵਾਲ਼ੀਆਂ ਫਿਲਮਾਂ ਤੇ ਵੀ ਕਰੋਨਾਂ ਮਾਰ ਪਈ।ਪਿਛਲੇ ਮਹੀਨੇ, ਬਾਲੀਵੁੱਡ ਦੇ ਪ੍ਰਸ਼ੰਸਕ ਵਿਸ਼ਵ ਭਰ ਵਿੱਚ ਬਹੁਤ ਉਤਸ਼ਾਹਤ ਸਨ ਕਿਉਂਕਿ ਰੋਹਿਤ ਸ਼ੈੱਟੀ ਦੀ ਮਲਟੀ ਸਟਾਰ ਫ਼ਿਲਮ ਸੂਰਿਆਵੰਸ਼ੀ 24 ਮਾਰਚ ਨੂੰ ਵੱਡੇ ਪਰਦੇ ਤੇ ਰਿਲੀਜ ਕੀਤੀ ਜਾਣੀ ਸੀ।
ਸੂਰਿਆਵੰਸ਼ੀ’ ਦੇ ਨਿਰਮਾਤਾ ਬਾਕਸ ਆਫਿਸ ‘ਤੇ ਧਮਾਕੇ ਦੀ ਉਮੀਦ ਕਰ ਰਹੇ ਸਨ ਕਿਉਂਕਿ ਇਸ ਦੀ ਰਿਲੀਜ਼ ਦੀ ਤਰੀਕ’ ਤੇ ਭਾਰਤ ਵਿਚ ਅਧਿਕਾਰਤ ਤੌਰ ਤੇ ਛੁੱਟੀ ਸੀ।
ਪਰ ਹਾਲਾਤ ਬਦਲ ਰਹੇ ਸਨ ਅਤੇ ਕੋਰੋਨਾ ਵਾਇਰਸ ਦੇ ਫੈਲਣ ਨੂੰ ਰੋਕਣ ਲਈ ਭਾਰਤ ਵਿੱਚ ਲਾਕਡਾਊਨ ਲਾਗੂ ਹੋ ਗਿਆ।
‘ਸੂਰਿਆਵੰਸ਼ੀ’ ਦੀ ਰਿਲੀਜ਼ ਨੂੰ ਅਣਮਿੱਥੇ ਸਮੇਂ ਲਈ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਅਤੇ ਇਹ ਸਿਰਫ ‘ਸੂਰਯਵੰਸ਼ੀ’ ਨਾਲ ਨਹੀਂ ਹੋਇਆ।
ਸਾਲ 1983 ਦੇ ਕ੍ਰਿਕਟ ਵਰਲਡ ਕੱਪ ‘ਚ ਭਾਰਤ ਦੀ ਜਿੱਤ ਉੱਤੇ ਕਬੀਰ ਖਾਨ ਦੇ ਸਪੇਰਟਸ ਡਰਾਮਾ 83 ਦੀ ਰਿਲੀਜ ਡੇਟ 10 ਅਪ੍ਰੈਲ ਤੈਅ ਕੀਤੀ ਗਈ ਸੀ।ਪਰ ਇਹ ਵੀ ਲਾਕਡਾਊਨ ਦੀ ਮਾਰ ਹੇਠ ਆ ਗਈ।ਇਸ ਫ਼ਿਲਮ ਵਿੱਚ ਰਣਵੀਰ ਸਿੰਘ ਦੀਪਿਕਾ ਪਾਦੁਕੋਨ ਵਰਗੇ ਸਿਤਾਰੇ ਕੰਮ ਕਰ ਰਹੇ ਹਨ।
ਫਿਲਮਸਾਜ਼ ਕਰਨ ਜੌਹਰ ਇਸ ਅਪ੍ਰੈਲ ਵਿੱਚ ਆਪਣੀ ਆਉਣ ਵਾਲੀ ਪੀਰੀਅਡ ਡਰਾਮਾ ਫਿਲਮ ਤਖਤ ਦੀ ਸ਼ੂਟਿੰਗ ਕਰਨ ਵਾਲੇ ਸਨ। ਉਸਦੀ ਟੀਮ ਨੇ ਯੂਰਪ ਵਿਚ ਸੈਟ ਨਿਰਮਾਂਣ ਦਾ ਕੰਮ ਸ਼ੁਰੂ ਵੀ ਕਰ ਲਿਆ ਸੀ।
ਕਰਨ ਜੌਹਰ ਹੁਣ ਇਸ ਫ਼ਿਲਮ ਦੇ ਭਵਿੱਖ ਬਾਰੇ ਅਨਿਸ਼ਚਿਤ ਹੈ। ਉਹ ਕਹਿੰਦਾ ਹੈ, “ਅਸੀਂ ਇਟਲੀ ਵਿੱਚ ਸ਼ੂਟਿੰਗ ਕਰ ਰਹੇ ਸੀ। ਅਸੀਂ ਸਪੇਨ ਵਿੱਚ ਸ਼ੂਟਿੰਗ ਕਰ ਰਹੇ ਸੀ। ਅਸੀਂ ਇਸ ਲਈ ਦੋ ਸਾਲ ਸਖਤ ਮਿਹਨਤ ਕੀਤੀ ਸੀ। ਪਰ ਕੁਦਰਤ ਅੱਗੇ ਕਿਹਦਾ ਜ਼ੋਰ ਹੈ।
ਕਰਨ ਜੌਹਰ, ਦੇਸ਼ ਦੇ ਸਭ ਤੋਂ ਵੱਡੇ ਫਿਲਮ ਨਿਰਮਾਤਾਵਾਂ ਵਿਚੋਂ ਇਕ,ਦੀਆਂ ਦੋ ਫਿਲਮਾਂ ਰਿਲੀਜ਼ ਲਈ ਤਿਆਰ ਹਨ ਅਤੇ ਸੱਤ ਹੋਰ ਫਿਲਮਾਂ ਨਿਰਮਾਣ ਵਿਚ ਹਨ।ਇਹ ਸਿਰਫ ਧਰਮਾਂ ਪ੍ਰੋਡਕਸ਼ਨ ਨਹੀਂ ਹਰ ਕੰਪਨੀ, ਹਰ ਸਟੂਡੀਓ ਦੀ ਇਹ ਸਥਿਤੀ ਹੈ। ਨਹੀਂ ਪਤਾ ਕਿ ਚੀਜ਼ਾਂ ਸਧਾਰਣ ਕਦੋਂ ਹੋਣਗੀਆਂ। ਜਦੋਂ ਲੋਕ ਸਿਨੇਮਾਘਰਾਂ ਵਿੱਚ ਵਾਪਸ ਆਉਣਗੇ।
ਟਰੇਡ ਪੰਡਿਤਾਂ ਦਾ ਕਹਿਣਾ ਹੈ ਕਿ ਜਿਨ੍ਹਾਂ ਫਿਲਮਾਂ ਦੀ ਰਿਲੀਜ਼ ਰੋਕ ਦਿੱਤੀ ਗਈ ਹੈ, ਉਨ੍ਹਾਂ ਨੂੰ ਜਦੋਂ ਵੀ ਪਰਦੇ ‘ਤੇ ਰਿਲੀਜ਼ ਕੀਤਾ ਜਾਂਦਾ ਹੈ ਤਾਂ ਉਨ੍ਹਾਂ ਨੂੰ ਤਗੜਾ ਨੁਕਸਾਨ ਸਹਿਣਾ ਪੈ ਸਕਦਾ ਹੈ।
ਪਰ ਕਬੀਰ ਖਾਨ ਦੀਆਂ ਉਮੀਦਾਂ ਕਾਇਮ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਚਾਰ ਮਹੀਨਿਆਂ ਵਿੱਚ ਬਾਲੀਵੁੱਡ ਠੀਕ ਹੋ ਜਾਵੇਗਾ।
ਬਾਲੀਵੁੱਡ ਸਿਤਾਰੇ ਅਤੇ ਨਿਰਦੇਸ਼ਕ ਦੋਵੇਂ ਸਮਝਦੇ ਹਨ ਕਿ ਉਨ੍ਹਾਂ ਦੀਆਂ ਮੁਸੀਬਤਾਂ ਗਰੀਬਾਂ ਦੀਆਂ ਮੁਸ਼ਕਲਾਂ ਦੇ ਬਾਵਜੂਦ ਕੁਝ ਵੀ ਨਹੀਂ ਹਨ

*ਮਸਤਾਨ ਸਿੰਘ ਪਾਬਲਾ